స్టార్ మా టీవీలో ప్రసారమవుతున్న సీరియల్ 'కార్తీక దీపం 2'(Karthika Deepam2).ఈ సీరియల్ సోమవారం నాటి ఎపిసోడ్ -439 లో..... దీప దగ్గరికి పారిజాతం వచ్చి ఏదో మాట్లాడాలని అనుకుంటుంది కానీ అప్పుడే కార్తీక్ వచ్చి.. ఇందాక నా భార్యని ఏదో అంటున్నావని అడుగుతాడు. నేనేం అన్నానని ఏం తెలియనట్లు అడుగుతుంది. ఏం చేసుకుంటావో చేసుకోరా ఏమైనా అంటే ముసలోడితో కొట్టిస్తావ్ అంతే కదా.. నీకు ఎవడు భయపడుతాడని కార్తీక్ ని రెచ్చగొట్టేలా పారిజాతం మాట్లాడుతుంది. సరే పారు మనిద్దరికి ఒక ఛాలెంజ్ అని కార్తీక్ అంటాడు.

ఛాలెంజ్ ఏంటో చెప్పరా.. అందులో నేను గెలిస్తే నాకు నువ్వు బంటు లాగా సేవలు చేస్తూ ఉండాలని  పారిజాతం అంటుంది. పారిజాతం ని కార్తీక్ కి గుమ్మం బయటకు తీసుకొని వెళ్లి ఒక సర్కిల్ గీస్తాడు. రేపు ఉదయం నిన్ను తాత మెడపట్టి బయటకు గెంటేస్తే నువ్వుల ఈ సర్కిల్ లో ఉంటావ్.. అలా నేను చేస్తానని కార్తీక్ అంటాడు. అంత లేదని పారిజాతం అంటుంది. ఆ తర్వాత కార్తీక్, దీప ఇంటికి వెళ్తారు. నాన్న మీ పెళ్లి ఎప్పుడు? మా ఫ్రెండ్స్ అందరిని పిలవాలని కార్తీక్ ని శౌర్య అడుగుతుంది. కార్తీక్ కి ఏం సమాధానం చెప్పాలో అర్థం కాదు.. కానీ మా పెళ్లి జరుగుతుందని శౌర్యకి అయితే కార్తీక్ మాటిస్తాడు. ఆ తర్వాత కార్తీక్ దగ్గరికి జ్యోత్స్న వస్తుంది. తన మాటలతో ఇంట్లో వాళ్ళని బాధపెట్టి వెళ్తుంది. ఆ తర్వాత పారిజాతం గదిలో కూర్చొని కార్తీక్ గాడు నన్ను ముసలోడితో తిట్టించే సంఘటనలన్నీ ఒక పేపర్ పై రాసుకుంటుంది. రేపు ఉదయం వరకు గదిలో నుండి బయటకు వెళ్లొద్దని నిర్ణయం తీసుకుంటుంది. అప్పుడే శివన్నారాయణ పారిజాతం గది ముందుకి వచ్చి డోర్ కొడుతాడు. ఈ రోజు బయటకు రానని చెప్పడంతో మంచి పని అంటూ శివన్నారాయణ వెళ్లిపోతాడు.

ఆ తర్వాత  శ్రీధర్ దగ్గరికి కార్తీక్ వెళ్తడు. ఈ టైమ్ అప్పుడు వచ్చావని శ్రీధర్ అడుగుతాడు. మాట్లాడాలని కార్తీక్ అనగానే పెళ్లికి రా అనే మాట తప్ప ఏదైనా మాట్లాడమని శ్రీధర్ అంటాడు. శ్రీధర్ సోఫా పై కూర్చొని ఉంటాడు కార్తీక్ కింద కూర్చుంటాడు.‌ పైన కూర్చొమని శ్రీధర్ అంటాడు. నాకు ఇక్కడే కంఫర్ట్ అని కార్తీక్ అంటాడు. ఇద్దరం కాసేపు ఎవరో తెలియనట్టు మాట్లాడకుందామని కార్తీక్ అంటాడు. సరే అని శ్రీధర్ అంటాడు. కార్తీక్ తన స్టోరి చెప్తుంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.